У беларускіх школах у кастрычніку пашыраецца практыка відэастрымаў з папраўчых калоніяў.

Калі раней базавымі папраўчымі ўстановамі для такіх мерапрыемстваў былі бабруйскія ПК-2 і ВК-2 для непаўналетніх, то цяпер геаграфія значна пашырылася.

У полацкай сярэдняй школе №1 правялі “стрым-семінар” адразу з некалькімі вязнямі наваполацкай Папраўчай калоніі №1.

У Шылавіцкай сярэдняй школе (аграгарадок у Ваўкавыскім раёне) 6 кастрычніка арганізавалі відэасувязь з ваўскавыскай ПК-11. Ва ўсіх выпадках гутрака ішла пра злачынствы звязаныя з незаконным абаротам наркатычных рэчываў.

Але самае незвычайны стрым (на фота) быў арганізаваны 29 верасня для навучэнцаў установаў адукацыі Жабінкаўскага раёна Брэсцкай вобласці. Там відэасувязь была арганізаваная з жаночай Папраўчай калоніі №24 “Зарэчча” для рэцыдывістак. Гэта адна з самых жорсткіх і непублічных пенітэнцыярных установаў. Да таго ж гутарка ішла не пра наркотыкі, а пра злачынствы ў IT-сферы.