Node.js asoschisi Oracle’ni firibgarlikda ayblab, JavaScript’ni “ozod qilishga” chaqirganini eshitganmidingiz?

Node.js otasi Ryan Dahl bir necha oydan beri Oracle kompaniyasiga qarshi petitsiya yozib, ularni JavaScript savdo belgisi huquqidan mahrum qilishni talab qilmoqda. Dasturchilar fikricha, bu tilning nomi umumiy mulkka aylangan va Oracle kompaniyasi bilan bog‘liq bo‘lmasligi kerak. Petitsiyani allaqachon 14 000 dan ortiq dasturchilar imzolashdi.

Asosiy ayblovlar:
— Oracle 2019-yilda savdo belgisi muddatini uzaytirishda yolg‘on ma’lumot taqdim qilgan.
— Kompaniya bu belgini tijorat faoliyatida uzoq vaqtdan beri ishlatmayapti. Qonunga ko‘ra, uch yil davomida foydalanilmagan belgilar “tashlab qo‘yilgan” deb hisoblanadi.

Oracle 2025-yil 4-yanvarga qadar javob berishi kerak. Dasturchilar JavaScript’ni yana erkin qilish uchun oxirigacha kurashmoqchi.