✍️"ЛЕЗГИ ДИКТАНТ - 2026"

Алай йисан 11-октярбдиз Махачкъалада, тарихдин «Россия - моя история» паркуна, ирид лагьай сеферда международный дережада аваз «Лезги диктант» кьиле фида.

❗️Шаз хьиз, алай йисузни, «Лезги диктант» чи халкьдин баркаллу руш Фируза Назимовна Керимовадин мергьяматлувилин "Иман" фондунин куьмекдалди "Лезги газетдин" редакцияди кьиле тухуда.

ЦIи диктант лезгийрин машгьур шаир, гьикаятчи, тарихчи Забит Ризванован 100 йисан юбилейдиз талукьарнава.

🔹Диктантдин сергьятра аваз са жерге мярекатар тешкилдайвал я:

🔴Забит Ризванован уьмуьрдин ва яратмишунриз рекьиз талукьарнавай конкурс (гъалибчийриз пулдин пишкешар гуда);

🔴диктантдин иштиракчийрин арада багьа пишкешар къугъун (розыгрыш призов);

🔴милли хуьрекрин выставка;

🔴лезги чIалал акъатзавай ктабрин выставка;

🔴Махачкъала, Каспийск, Дербент шегьерра лезги чIалан тарсар гузвай са жерге муаллимрив пулдин пишкешар вахкун;

🔴Забит Ризванован шиирар кIелун;

🔴лезги халкьдин тарихдиз, яшайишдиз талукь милли майдан кардик кутун;

🔴хъенчIин къапариз талукь мастер-класс;

🔴диктантдин иштиракчияр патал кофе-брейк, тIуьнар, ширинлухар тешкилун.

⏰"Лезги диктант" сятдин 2-даз (14:00) гатIунда. Чна вири ватанэгьлийриз аниз атуниз эвер гузва.

🔗Гегьеншдиз "Лезги газетдин" сайтдай кIелиз жеда.