— Такая дата — не проста вяха ў гісторыі вашага выдання. Гэта сведчанне яго аўтарытэту, запатрабаванасці і той адметнай ролі, якую «Культура» адыгрывае ў інфармацыйнай прасторы нашай краіны, — гаворыцца ў віншаванні.
Кіраўнік ведамства падкрэсліў:
— На працягу 35 гадоў вы застаяцеся галоўным друкаваным голасам культурнага жыцця Рэспублікі Беларусь. На старонках вашай газеты знаходзяць адлюстраванне самыя яркія падзеі, вядзецца аналіз мастацкіх набыткаў, узнімаюцца пытанні захавання гісторыка-культурнай спадчыны і развіцця творчых індустрый.
«Вы забяспечваеце ўнікальную пляцоўку для зацікаўленага дыялогу паміж дзеячамі мастацтваў, экспертамі і шырокай аўдыторыяй».— Асабліва каштоўна, што за ўсім гэтым стаіць высокі прафесіяналізм работнікаў рэдакцыі. Вам удаецца спалучаць адданасць найлепшым традыцыям айчыннай публіцыстыкі з сучаснымі тэхналогіямі, гаварыць пра складанае даступна і займальна, — сказана ў адрасе.
Марат Сяргеевіч заўважыў:
— Ваша праца мае вялізнае значэнне для грамадства. У эпоху інфармацыйнага шуму менавіта такія выданні служаць надзейным маральным арыенцірам, дапамагаючы ўмацоўваць духоўныя каштоўнасці, фарміраваць эстэтычны густ, захоўваць і развіваць наш найбагацейшы культурны здабытак.
Міністр культуры пажадаў газеце творчага даўгалецця, яркіх тэм і смелых праектаў і каб кожны новы нумар знаходзіў жывы водгук у сэрцах чытачоў па ўсёй краіне.
🏛 Сачыце за навінамі разам з газетай «Культура».