📽 Прэм’ерны паказ дзіцячага пазнавальнага анімацыйнага серыяла «Ваўчок» (рэжысёры — Ірына Тарасава і Алена Турава), створанага Нацыянальнай кінастудыяй «Беларусьфільм», праходзіць у гэтыя хвіліны ў сталічным кінатэатры «Піянер».

💬Ірына Тарасава:

— Кожны чалавек — спачатку ў дзяцінстве, а затым і на працягу ўсяго жыцця — шукае адказы на важныя пытанні: «Хто я? Якое месца займаю ў грамадстве?». Мы ўсе розныя, у кожнага свае асаблівасці, звычкі і інтарэсы, але пры гэтым нас многае аб’ядноўвае. Менавіта наша індывідуальнасць шмат у чым вызначае, чым мы захапляемся, што выбіраем і кім становімся ў будучыні.

Наш анімацыйны фільм «Ваўчок» адрасаваны не толькі дзецям. Ён можа быць цікавым і дарослым, дапамагаючы ім лепш зразумець унутраны свет дзіцяці, убачыць яго непаўторнасць і з большай увагай ставіцца да яго інтарэсаў і памкненняў.

🎙Галоўнага героя агучыў юны расійскі акцёр Даніэль Мінькоў, які падзяліўся ўражаннямі ад працы над фільмам.

🏛 Сачыце за навінамі разам з газетай «Культура» і часопісам «Мастацтва».