🌸 Экспазіцыя арганізоўваецца ў межах праектаў з нагоды Года беларускай жанчыны.
— Яўгенія Сухаверхава — таленавітая мастачка, якая ўмее бачыць прыгажосць у звычайных праявах жыцця. У сваім садочку яна вырошчвае кветкі, з якіх потым складае букеты, што адпавядаюць пэўнаму сезону або настрою.
Вытанчаныя кампазіцыі з півоняў, вяргіняў або цюльпанаў становяцца падставай да сюжэтаў афортаў, мастацкіх фотаздымкаў або жывапісных палотнаў.
А вандроўкі па Беларусі ды назіранні за прыродай знайшлі адлюстраванне ў краявідах, — распавялі нашай рэдакцыі ў цэнтры.
🎨
Яўгенія Сухаверхава ўжывае некалькі стылістык для сваіх твораў. Але ўсе працы мастачкі аб’ядноўвае жаночы стваральны падыход і мяккі лірычны настрой.🏛 Сачыце за навінамі разам з газетай «Культура» і часопісам «Мастацтва».