#Talaba_va_ijara
 
Qarshi davlat texnika universiteti rahbariyati, profilaktika inspektorlari hamda tyutorlar talabalar turar joyida va ijara xonadonlarida istiqomat qilayotgan yoshlar holidan xabar olmoqdalar.
 
Talabalarning yashash sharoitlari, kuz-qish mavsumiga tayyorgarlik holati, xonalarning isitish tizimi, sanitariya-gigiyena talablariga rioya etilishi hamda xavfsizlik masalalariga alohida eʼtibor qaratilmoqda.
 
Shuningdek, yoshlar bilan samimiy suhbatlar oʻtkazilib, ularning oʻqish jarayoni, boʻsh vaqtlarini mazmunli tashkil etishi, mavjud muammo va takliflari oʻrganilmoqda. Aniqlangan kamchiliklarni bartaraf etish yuzasidan tegishli masʼullarga tavsiya va koʻrsatmalar berilmoqda.
 
Ayniqsa, favqulodda vaziyatlar boshqarmasi xodimlari bilan hamkorlikda talabalarga yongʻin va elektr xavfsizligi qoidalariga qatʼiy amal qilish, isitish moslamalaridan toʻgʻri foydalanish hamda turli koʻngilsiz holatlarning oldini olish boʻyicha zarur tushuntirishlar berilmoqda.
 
Har bir talabaning xavfsizligi, munosib sharoitda yashashi va xotirjam tahsil olishi universitet rahbariyatining doimiy eʼtiborida.

Bizni birga kuzatib boring: 👇
🌐 Website | 📱 Facebook | 📱 Instagram   | 📱  YouTube

QarDTU axborot xizmati ✍️