👷♀️Алтын Иманқұлова — «Ембімұнайгаз» АҚ-ға қарасты басқарманың электр қозғалтқыштарын жөндеу учаскесінде 5-дәрежелі сым ораушы болып жұмыс істейді.
⚡️Еңбек жолын шәкірт болып бастаған Алтын Елемесқызы бүгінде өз ісінің қыр-сырын меңгерген білікті маман. Ол 30 жылдан астам уақыт бойы электр қозғалтқыштарына сым орау кәсібін абыроймен атқарып келеді.
▪️Оның қолынан өткен мыңдаған метр жіңішке сымдар қуаты мен құрылымы әртүрлі электр қозғалтқыштарына жан бітіреді. Сым орау көзге қарапайым көрінгенімен – ерекше дәлдік пен төзімділікті, асқан кәсібилікті талап ететін жауапты іс. Өндірістегі сораптар мен тербелмелі қондырғылардың үздіксіз әрі сенімді жұмыс істеуі дәл осы сым ораушының жұмыс сапасына тікелей байланысты.
— Отыз жылдан асты бір кәсіппен айналысам. Осы кезеңде бір нәрсеге көзім жетті: өз ісіңді шын көңілмен атқарсаң, жылдар өте келе мамандығың өміріңнің маңызды бір бөлігіне айналады. Біз ораған әр сымның ар жағында үлкен өндірістің қалыпты жұмысы тұр. Бұл мен үшін күн сайынғы жауапкершілік, — дейді ол.
Біз әрбір қызметкердің адал еңбегін қадірлейміз, олардың маңдай терін мақтан етеміз.
📱 ҚазМұнайГаз