HURMATLI OTA-ONALAR!

🏆 Olimpiadalarimiz dastlab faqat Toshkent shahrida, keyinchalik Xorazmda, undan so‘ng esa bosqichma-bosqich boshqa hududlarda ham tashkil etila boshlandi.

Bularning barchasi, avvalo, sizlarning talab va takliflaringizdan kelib chiqib amalga oshirildi. Maqsadimiz — sizlarga yanada yaqinroq bo‘lish, ota-onalar va o‘quvchilarning vaqtini tejash, uzoq yo‘l bosishi va ortiqcha yo‘l xarajatlarini kamaytirish. Shu sababli olimpiada o‘tkaziladigan manzillar sonini imkon qadar ko‘paytirib boryapmiz.

Afsuski, ayrim hududlarda fors-major holatlar, tashkiliy tajribaning yetishmasligi yoki mas’uliyat bilan bog‘liq kamchiliklar sababli kechikishlar va boshqa noqulayliklar kuzatilishi mumkin. Bunday holatlar yuzasidan bildirilayotgan har bir fikr va tanqid biz uchun muhim.

Azizlar, shuni ham tushunishingizni istardik: asosiy tashkiliy jamoamiz Toshkentda faoliyat yuritadi. Olimpiadani yuqori saviyada tashkil etish esa bir kunda shakllanadigan jarayon emas — buning uchun tajriba, vaqt va amaliyot kerak.

Shu o‘rinda bir savol: hududlarda tajriba hali yetarli emasligi sababli olimpiadalarni to‘xtatishimiz kerakmi yoki hududiy hamkorlarimiz tajriba orttirib, yanada kuchli tashkilotchiga aylanguniga qadar ularni qo‘llab-quvvatlab, kamchiliklarni birgalikda bartaraf etib borishimiz kerakmi?

Biz, albatta, ikkinchi yo‘lni tanlaymiz. Chunki hududlardagi bolalar ham sifatli olimpiadalarda o‘z yashash joyiga imkon qadar yaqin hududda qatnashish imkoniyatiga ega bo‘lishini istaymiz.

🤝 Bildirilgan barcha fikr, e’tiroz va tanqidlar uchun rahmat. Hududiy hamkorlarimiz ulardan to‘g‘ri xulosa chiqarib, keyingi olimpiadalarda tashkiliy sifatni yanada yaxshilaydi, degan umiddamiz.

Biz uchun eng muhimi — o‘quvchilarga imkoniyat yaratish va bu imkoniyatni yildan-yilga sifatliroq qilish! 🏆