☀️ 24-iyul tongi odatdagidek quvnoq badantarbiya va mazali nonushta bilan boshlandi.
📚 Kunning birinchi yarmida o‘quvchilar xalqaro olimpiadalar bo‘yicha tajribali ustozlardan yangi bilimlarni o‘rganishdi. Shuningdek, bir kun avval o‘tkazilgan “Yil olimpiadasi” savollari batafsil tahlil qilinib, murakkab masalalarning yechimlari va ularni yechishning samarali usullari bilan tanishishdi.
🤝 Kunning ikkinchi yarmida esa ishtirokchilar qiziqarli jamoaviy o‘yinlar orqali nafaqat bilimlarini, balki hamjihatlik, muloqot va jamoada ishlash ko‘nikmalarini ham sinovdan o‘tkazishdi.
🎬 Kechki ovqatdan so‘ng an’anaviy Movie Time ishtirokchilarga maroqli hordiq va unutilmas taassurotlar ulashdi.
📹 Yozgi maktabning beshinchi kuni qanday o‘tganini videomiz orqali tomosha qiling! Avvalgi kunlar videolari ham kanalimizda e’lon qilingan.
🌍 Bu yilgi loyihada 🇺🇿O‘zbekiston va 🇹🇯 Tojikistondan 300 ga yaqin iqtidorli o‘quvchi bevosita ishtirok etmoqda. Shuningdek, 🇰🇬 Qirg‘iziston, 🇰🇿 Qozog‘iston, 🇪🇬 Misr hamda boshqa davlatlardan o‘quvchilar dasturga masofaviy formatda qo‘shilgan.
✨ Eng qiziqarli lahzalar hali oldinda! Musobaqalar, mahorat darslari, ekskursiyalar, taqdirlash marosimi va unutilmas xotiralarga boy videolarni kuzatishda davom eting!