بعد تدهور الأوضاع المعيشية، وازدياد الفساد بمؤسسات الدولة، ووجود مسؤولين، عينك عينك، فوق المحاسبة!

لو أنا مكان الرئيس أحمد الشرع، عندي خيارين، وما عندي خيار ثالث:

يا بطلع وبصارح #الشعب بالحقيقة، وبقله إن في مسؤولين انفرضوا عليّ من دول إقليمية وعالمية، وما عندي القدرة على إقالتهم ومحاسبتهم.

يا بستقيل، وبحترم حالي وبكسب احترام شعبي.

أما إذا شعبي رفض استقالتي، فبقود معركة حقيقية ضد الفساد، وبحاسب كل مسؤول فاسد ومرتهن للخارج، مهما كانت الجهة اللي بتحميه أو المنصب اللي بيشغله.

نحنا مو شعب غريب عن الفقر والجوع، ولا نسينا اشو يعني تضحية.
مستعدين نتحمل الفقر ١٤ سنة كمان، ومستعدين ناكل ورق شجر، إذا كان التمن هو تحرير سوريا تحريرا فعلي، وبناء دولة قرارها من شعبها، وثرواتها لشعبها، والعدالة فيها تطال الجميع بلا استثناء.

يا منكون حررنا سوريا فعلاً، يا منكون بدّلنا شكل التبعية وبقينا أسرى لها.

نحنا ما ثرنا ليتغيّر الحاكم ويبقى الفساد، ولا لحتى نحرر البلد من استبداد ونتركها رهينة للفساد والمحسوبيات والإملاءات الخارجية.

#ثورة_الكرامة ما انتهت بسقوط النظام الساقط، لأن الحرية بلا عدالة ناقصة، والسيادة بلا قرار مستقل كذبة، والنصر اللي ما بيحفظ كرامة الشعب وحقوقه، ناقص، واللي بيعتبره نصر كمان بيكون واحد واطي و #ناقص.

لمتابعة شبكة اعزاز نيوز اضغط على الرابط
https://t.me/khalil124kh

#قناه_اعزاز_نيوز
https://t.me/Azaz_News1