هاد القرار كتبو واحد فاشل قاعد بمكتبو ومفكر حالو عم ينظم، وهو بالحقيقة عم يذبح.

ما عم تفهم شغلة وحدة:
التاجر ما بيدفع، المواطن هو اللي بيدفع.

لما بتاخد من صاحب محل الدواليب 1500 دولار، تاني يوم رح يصير فك الدولاب بـ 5 دولار بدل دولارين.
لما بتاخد من صاحب صالة الأفراح 1500 دولار، رح يصير أجار الصالة فوق طاقة أي شاب بدو يتجوز.
لما بتاخد من المدرسة 10 آلاف دولار، رح يصير قسط الطالب الضعف، والأب الفقير هو اللي رح يبكي آخر الليل.

يعني انتو ما أخدتو من التاجر، انتو مديتو إيدكون على جيب المواطن الفقير اللي قاعد باعزاز غصباً عنو.

لو كنتو ناجحين كنتو عملتو شي واحد يفيد الناس قبل ما تفرضو لحالها عن فشلكون.

المجلس الناجح بيشجع الناس تفتح محلات وتشغل الشباب العاطل، المجلس الفاشل بيعمل متل ما عملتو: بيحط ضرايب بتخلي صاحب الورشة يسكر ورشتو ويهج برا البلد.

هاد مو قرار تنظيم، هاد قرار تطفيش وتجويع.

واللي وقع عليه و اللي وافق عليه بدو يراجع حالو، لأنو التاريخ ما بيرحم، والناس ما عاد ساكتة. الناس شبعت وعود

لمتابعة شبكة اعزاز نيوز اضغط على الرابط
https://t.me/khalil124kh

#قناه_اعزاز_نيوز
https://t.me/Azaz_News1