Personal software davri boshlandi. Hozir istalgan odam 1-2 ta prompt bilan o'ziga kerakli ilovani yasab olyapti. Dasturchi bo'lish shart emas, nima kerakligini tushuntira olsangiz bo'ldi. Hatto bunga "software for one" degan nom ham chiqdi, ya'ni ilova millionlab odam uchun emas, bitta odam uchun yoziladi. Statistikaga qarasangiz, vibe coding qilayotganlarning ko'pchiligi professional dasturchi emas.

Shu sabab oxirgi paytlarda ko'p o'ylayapman: agar ilovani hamma o'zi qila olsa, oddiy kichik ilova sotishning ma'nosi qolyaptimi?

Ishlaydigan SaaS product yasash narxi taxminan $200,000 dan $5,000 atrofiga tushgan. Bozor ham buni sezdi, 2026 boshida bir hafta ichida software kompaniyalari aksiyalaridan $1 trillion dan ortiq qiymat uchib ketdi ))

Menimcha endi ilova emas, tizim sotish kerak. AI kod yozishni arzonlashtirdi, lekin murakkab tizimlarni yuritish, tarqatish va ishga tushirishni emas. Integratsiyalar, data, biznes jarayonlari, support, xavfsizlik, real workflow'ga moslashish, bularni 2 ta promptda hal qilib bo'lmaydi. Odam "o'zim prompt yozib qilib olaman" deb o'ylagan narsaga pul to'lamaydi, lekin biznesi to'xtab qolmasligi uchun ishlaydigan tizimga bemalol to'laydi

@kamrondev