Inson qadri va oila farovonligi – eʼtibor va gʻamxoʻrlikning eng muhim mezonlaridan biri. Bu ezgu maqsad yoʻlida hamjihatlik va birdamlikning yana bir amaliy namunasi Jizzax viloyati ichki ishlar boshqarmasi JXX YHXB xodimi, safdor Yodgor Rahmonqulov xonadonida namoyon boʻldi. Hamkasblar tomonidan hashar yoʻli bilan amalga oshirilgan keng koʻlamli qurilish-taʼmirlash ishlari natijasida xonadonning bir qator qismlari yangilandi, qoʻshimcha xonalar barpo etildi. Shu tariqa xonadon yanada obod, shinam va oila aʼzolari uchun qulay maskanga aylantirildi. Eʼtibor va mehr bilan boshlangan ezgu tashabbus yakuniga yetkazilib, taʼmirlash va qurilish ishlaridan soʻng xonadonni tantanali topshirish tadbiri oʻtkazildi.

👮🏼‍♂️👉🏼@Jizzax_YPX