Jizzax viloyatida 2026 yil 1 oktyabrdan 1 noyabrga qadar idora va tashkilotlar hamkorligida “Yoshlar orasida giyohvandlik vositalari va psixotrop moddalar tarqalishining oldini olish” kompleks tezkor-profilaktik tadbirining uchinchi bosqichi o‘tkazilmoqda.
Mazkur tadbir doirasida Jizzax politexnika institutida viloyat IIB va narkologiya dispanseri shifokorlari hamkorligida profilaktik uchrashuv tashkil etildi. Unda yoshlar o‘rtasida giyohvandlik vositalari va psixotrop moddalar iste’moli hamda tarqalishining oldini olish, bunday illatlarning inson salomatligi va kelajagiga salbiy ta’siri, shuningdek, giyohvandlik bilan bog‘liq huquqbuzarliklarning huquqiy oqibatlari haqida tushunchalar berildi.
Shuningdek, talabalarni qiziqtirgan savollarga mutaxassislar tomonidan javoblar berilib, giyohvandlikning oldini olishda ogohlik, huquqiy bilim va sog‘lom hayot tarzining ahamiyati alohida qayd etildi.

Website | Telegram | Instagram | Facebook | Youtube | Murojaatyuborish