Doʻstlik va hamjihatlik gʻalaba qozondi

Keksalar haftaligi doirasida Jizzax viloyati IIB faxriylari jamoasi hamda Jizzax davlat pedagogika universiteti faxriylari jamoasi oʻrtasida mini-futbol boʻyicha doʻstlik uchrashuvi tashkil etildi. Qizgʻin va murosasiz kechgan bellashuv davomida har ikki jamoa vakillari oʻzlarining sportga boʻlgan qiziqishi, faolligi va jamoaviy hamjihatligini namoyon etdilar.

Uchrashuv nafaqat sport musobaqasi, balki faxriylar oʻrtasidagi doʻstona munosabatlarni mustahkamlash, oʻzaro muloqotni rivojlantirish va sogʻlom turmush tarzini targʻib etishga xizmat qildi. Eng muhimi, bellashuv yakunida doʻstlik gʻalaba qozondi. Bunday tadbirlar hayot tajribasi boy, el-yurt hurmatiga sazovor insonlarga eʼtibor va ehtirom koʻrsatish, ularning jamiyat hayotidagi faolligini qoʻllab-quvvatlashda muhim ahamiyat kasb etadi.

Website | Telegram | Instagram | Facebook | Youtube | Murojaatyuborish