Jizzax viloyati ichki ishlar boshqarmasi boshlig‘i Sh.Rashidov tumani “Kuyovboshi” MFY hududida ichki ishlar organlari xodimlari uchun bunyod etilayotgan yakka tartibdagi uy-joylar qurilish ishlari bilan tanishdi. Mutasaddilar va quruvchilar bilan muloqotda xonadonlarni elektr energiyasi, tabiiy gaz, ichimlik suvi va oqova tizimlari bilan ta’minlash, hudud infratuzilmasini shakllantirish bo‘yicha ko‘rsatmalar berdi.
Ta’kidlash joiz, ushbu hududda 104 ta yakka tartibdagi turar joy qurish rejalangan bo‘lib, hozirdi ikkinchi bosqich ishlari jadal davom etmoqda. Aniqrog‘i, uylarning 56 tasi 2024 yilda xodimlarga berilgan. Qolgan 48 ta xonadonni yaqin kunlarda o‘z egalariga topshirish rejalashtirilgan.
Shuningdek, hududga tutash maydonda barpo etilayotgan zamonaviy mehmonxona qurilishi ham ko‘zdan kechirildi. Ushbu bino ham soha xodimlarining bayrami arafasida foydalanishga topshirilishi ko‘zda tutilgan.

Website | Telegram | Instagram | Facebook | Youtube | Murojaatyuborish