Jizzax viloyati IIB boshligʻi Zomin tumani Duoba mahallasida qad rostlayotgan yangi ichki ishlar boʻlimi binosidagi ishlarni koʻzdan kechirdi. Masʼullar tomonidan obyektning qurilish holati, muhandislik-kommunikatsiya tarmoqlari va hududni obodonlashtirish ishlari yuzasidan axborot berildi.
Taʼkidlash joiz, binoda xodimlar uchun qulay xizmat sharoitlari yaratish, fuqarolarni qabul qilish va davlat xizmatlarini koʻrsatish uchun zarur imkoniyatlarni taʼminlash koʻzda tutilgan. Obyektning foydalanishga topshirilishi Zominda jamoat xavfsizligi va huquq-tartibotni taʼminlash imkoniyatlarini kengaytiradi.
Shu kuni Zomin tumani IIBda yigʻilish oʻtkazilib, hududda jinoyatchilikka qarshi kurashish, huquqbuzarliklarning oldini olish, jamoat tartibi va aholi osoyishtaligini taʼminlash masalalari muhokama qilindi. Shuningdek, tashkiliy masala koʻrildi.

Website | Telegram | Instagram | Facebook | Youtube | Murojaatyuborish