Гэты Юнікон прайшоў у нейкім дзікім тэмпе: квіток удзельніка я атрымала за відэамантаж да роліка Confrontation для Orril, таму план быў адзін — паспець усё і адразу.

​У нядзелю дапамагала Орылу з яго лекцыяй па адаптацыі песень: звярстала прэзентацыю і арганізавала «здымачную групу» з майго хлопца Matus і сяброўкі Cherrrtila. Народу прыйшло анамальна шмат — гэта вельмі парадавала! Яшчэ з прыемнага: конкурсны ролік Орыла, дзе спявала Cherrrtila, забраў спецпрыз (хаця сама яна тусіла па VIP-білеце і ў кадры нават не з’явілася).
​Паміж усімі гэтымі справамі мы нарэшце пабачыліся з нашай бэтай Cerasum з Віцебску! Пайшлі з ёй шукаць мерч па One Piece, знялі тыкток, а потым яшчэ наздымалі розных прыколаў з Орылам, Inco і Cherrrtila. На Алеі аўтараў абавязкова завіталі абняць і падтрымаць Mishan Valeron і Pack Tee — да Мішана заглянулі па даўняй традыцыі, а Пакці ўвогуле была на алеі ўпершыню! Набылі ў іх налепак, малюнкаў і проста пасвяціліся ад шчасця. Ну і па іншым шопінгу я прайшлася ад душы: забрала два календары, два кольцы, таро са стэнда EPIC the musical, веер з Critical Role BY і кітайскую палачку для валасоў, якія сфатаграфую трохі пазней.
​Але галоўнае — гэта, вядома, людзі. Бачыць сотні знаёмых твараў у боскіх касцюмах у адным месцы — найлепшая зарадка батарэйкі!
​Хто быў? Што цікавага забралі з маркета? 👇