İmam Əhmədin Möhtəşəm Şüarı

İmam Əhməd (Allah ona rəhm etsin) elm yolunda elə bir ucalığa yetişmişdi ki, o dövrdə artıq hər kəs tərəfindən tanınır və barmaqla göstərilirdi. O, dində imamlıq dərəcəsinə çatmışdı və insanlar dünyanın hər tərəfindən onun yanına axışır, uzun yollar qət edirdilər.

Buna baxmayaraq, İmam Əhməd böyük bir təvazökarlıqla hələ də əlində elmi qeyd etmək üçün mürəkkəbqabı tutur və digər alimlərdən hədis dinləmək üçün elm tələbələri ilə birgə alimlərin dərslərinə yetişmək üçün elm məclislərinə can atırdı.

Onun bu halını görənlər heyrətlə soruşdular:
— "Ey Əbu Abdullah! Sən ki artıq bu məqama çatmısan, nə vaxta qədər bu mürəkkəbqabı ilə elm arxasınca qaçacaqsan?".
O, (Allah ona rəhm etsin) hər bir elm tələbəsi üçün çıraq olacaq o möhtəşəm sözünü dedi:

«مَعَ المِحْبَرَةِ إِلَى المَقْبَرَةِ»
"Mürəkkəbqabı ilə qəbirə qədər!".

Xülasə: Bilməliyik ki, elm ucu-bucağı olmayan bir ibadətdir və bu yolda mənzilə çatmaq deyə bir anlayış yoxdur. Həqiqi elm tələbəsi son nəfəsinə qədər öyrənməyə və özünü təkmilləşdirməyə davam edəndir. Kim "mən artıq elmdə kamilliyə çatmışam" deyərsə, məhz o zaman cəhalətin zirvəsinə addım atmış olar.

📝 Şeyx Saleh əs-Sindinin dərsindən alıntı..

©️ t.me/ixlasla