✔️ Alohida son yoki formulalar guruhini belgilash
Aytaylik, sizda formulalar orqali hosil qilingan hisob-kitobli ustun mavjud bo‘lib, ular orasidagi ba’zi yacheykalarda sonlar qo‘lda kiritilgan yoki yo‘qligini aniqlamoqchisiz. Bunda har bir yacheyka bo‘ylab o‘tgan holda tekshiruvni qo‘lda amalga oshirish noqulay, boisi ustundagi satrlar soni juda ko‘p bo‘lishi mumkin.
Bunday vaziyatda ma’lumotlarning yacheykalarga aynan qanday kiritilganligini tezkor tarzda aniqlash uchun kuzatuvingiz ostidagi yacheykalar diapazonini butunlay belgilang, dasturdagi menyu satrining Главная → Найти и выделить (panelning eng chetida joylashgan) bandlari bo‘ylab o‘ting va undagi Выделить группу ячеек... vositasidan foydalaning.
✅ Ushbu vositani shuningdek
F5 klavishini bosib, Перейти oynasini chaqirgan holda, undagi Выделить... tugmasini bosish orqali ham ekranga chaqirish mumkin.Yuzaga kelgan Выделить группу ячеек oynasida qo‘lda kiritilgan sonlarni aniqlash uchun Константы'ni, formulali yacheykalarni aniqlash uchun esa uning ostidagi Формулы bandini tanlaysiz.
Oynagi so‘rovingizga ko‘ra, mos tarzda yacheykalar guruhi tezkor belgilanadi, shundan so‘ng belgilangan yacheykalarga nisbatan zaruriy harakatlarni amalga oshirishingiz mumkin bo‘ladi.
📝 Manba: @hacks_excel
ℹ️ Microsoft Excel rukni ostidagi barcha postlarimiz ro‘yxati: 1-qism | 2-qism | 3-qism
👨🏻💻@itspecuz | Mundarija
