🪄 Ixtiyoriy hajmdagi fayl yaratish
Ba’zida foydalanuvchilarda, masalan, fayllarni diskdan o‘qilishi, unga yozilishi tezligini yoki faylning serverga yuklanish tezligini sinash zarurati yuzaga kelishi mumkin.
Ushbu maqsadlar uchun qo‘l ostidagi mavjud katta fayllardan foydalaniladi. Biroq bu har doim ham qulay emas, boz ustiga bunday fayllar ayni damda shunchaki mavjud bo‘lmasligi ham mumkin.
Muayyan o‘lchamdagi bo‘sh faylni yaratish uchun bizga operatsion tizim bilan birga keluvchi
fsutil yordamchi dasturi ko‘maklashishi mumkin. Ushbu dasturni qo‘llash uchun Buyruq satri (Командная строка)ni ishga tushiring (WIN + R → cmd → ENTER) va unga fsutil file createnew Fayl_joylashihi_lozim_bo‘lgan_manzil O‘lchami buyrug‘ini bajarish uchun yuboring.Masalan,
fsutil file createnew F:\File.txt 10000000, bunda fayl o‘lchami baytlarda ko‘rsatiladi. Ushbu buyruq natijasida F: diski tarkibida 10000000 bayt (qariyb 10 Mb) hajmdagi fayl yaratiladi!📝 Manba: @pcTeapot
ℹ️ Qo‘shimcha sifatida tanishish va foydalanish tavsiya etiladi:
• Buyruq satri (Командная строка) ishtirok etgan barcha maqolalarimiz ro‘yxati keltirilgan postimiz.
• Operatsion tizim rukni ostidagi qolgan postlarimiz ro‘yxati: 1-qism | 2-qism | 3-qism | 4-qism | 5-qism | 6-qism.
👨🏻💻@itspecuz | Mundarija
