🚮 “Загрузки” papkasidagi foydalanilmayotgan fayllarni avtomatik o‘chirish
Hozirgi kunda Internetda yaratilgan keng imkoniyatlar gigabaytlab miqdordagi o‘yinlar, filmlar, musiqalar, kitoblar va boshqa ajoyib kontentlarni yuklab olish imkonini beradi. Zo‘r-a? Albatta!
Biroq har qanday tanganing ham ikki tomoni bor: “Загрузки” papkasi, unda ancha vaqtdan buyon saqlab kelinayotgan fayllar bilan qattiq diskning ko‘p joyini egallashi mumkin. Foydalanuvchiga tegishli papkalar D diskida saqlanadigan qilib sozlangan bo‘lsa, bu qaysidir ma’noda yordam berishi mumkin.
Ortiqcha fayllarni avtomatik o‘chirilishini sozlash uchun “Параметры” oynasini ekranga chaqirish
(WIN + I) va unda “Система” → “Память устройства” bandlari bo‘ylab o‘tib, “Контроль памяти” funksiyasini faollashtirish lozim.Bu yerda esa tanlov mavjud: papka tarkibini har kuni, har hafta, har oy yoki Windows qaror qilgan paytda (diskda joy kamayin qolgan taqdirda) tozalash mumkin. Saqlash muddati ham sozlanadi! Papkada saqlanayotgan fayllarni yuklab olingan vaqtidan boshlab 1, 14, 30 yoki 60 kundan so‘ng o‘chirish — bu faqat o‘zingizga bog‘liq!
Kelajak avtomatlashtirilgan yechimlar tomonidadir. Qimmatbaho vaqtimizni mayda-chuyda ishlarga sarflagandan ko‘ra, buni mashinaga ishonib topshirgan ma’qul emasmi? U bizdan farqli o‘laroq hech qachon unutmaydi, keyinga surmaydi va erinmaydi! 😉
📝 Manba: @microsoft™
ℹ️ Operatsion tizim rukni ostidagi qolgan postlarimiz ro‘yxati bilan ham tanishing: 1-qism | 2-qism | 3-qism | 4-qism | 5-qism
👨🏻💻@itspecuz | Mundarija
