Windows 10'da berkitilgan administrator qayd yozuvini faollashtirish 👤
Windows 10'ni o‘rnatayotgan vaqtingizda tizim sizdan foydalanuvchining qayd yozuvini, aniqroq qilib aytganda esa, lokal administratorni yaratish va sozlashni talab etadi. Biroq siz yaratgan qayd yozuvi tizimda yagona emas. Tizimning o‘rnatilish jarayonida, sirli rejimda yuqoriroq vakolatlarga ega yana bir administrator qayd yozuvi avtomatik ravishda yaratiladi.
Administratorning berkitilgan qayd yozuvi drayverlar, imzolanmagan dasturlarni o‘rnatish, shuningdek foydalanuvchidan yuqori huquqlarni talab etuvchi sozlamalarni amalga oshirish uchun qo‘llanilishi mumkin. Shunday bo‘lsa-da, unga faqatgina zaruriy holatlarda murojaat etish, barcha harakatlar amalga oshirilganidan so‘ng esa albatta o‘chirib qo‘yish, ya’ni faolsizlantirish tavsiya etiladi.
Uni faol holatga keltirish uchun
WIN + R birikmasini bosing va ochilgan Выполнить oynasiga lusrmgr.msc buyrug‘ini kiritib, ENTER'ni bosish orqali Локальные пользователи и группы vositasini ekranga chaqiring. Пользователи bo‘limini yoying, oynaning o‘ng tomonida Администратор qayd yozuvini toping va ustiga ikki marta bosing, ochilgan oynada Отключить учётную запись bandi qarshisidan qushcha belgisini olib tashlang va kiritilgan o‘zgartirishni saqlang,ℹ️ Operatsion tizim rukni ostidagi qolgan postlarimiz bilan ham tanishing: 1-qism | 2-qism | 3-qism | 4-qism
👨🏻💻@itspecuz | Mundarija
