“Yaqin-atrofga yuborish” funksiyasi orqali endi ilovalarni ham ulashish mumkin 📤📥
Google kompaniyasi “Yaqin-atrofga yuborish” (Обмен с окружением) imkoniyatini kengaytirdi. Ilgari ushbu funksiya yordamida rasmlar, videolar va boshqa turdagi fayllarni ulashish uchun foydalanishingiz mumkin edi, endi Play Market orqali o‘rnatilgan ilova va o‘yinlarni ham xuddi shu tarzda bitta smartfondan boshqasiga o‘tkazishingiz mumkin.
📲 Ilovalar internetdan foydalanmasdan, o‘zaro Wi-Fi tarmog‘ini yaratib (SHAREit'ga o‘xshab) uzatiladi. Ikkala qurilmada ham Play Market 24.0 va undan yuqori versiyasi o‘rnatilgan bo‘lishi kerak. Agar u pastroq bo‘lsa, Play Market'ning o‘zini-o‘zi yangilashini kutishga to‘g‘ri keladi.
📶 Ilovalarni qanday ulashish mumkin:
1️⃣. Har ikki smartfonda ham Play Market'ni ishga tushiring.
2️⃣. “Ilova va o‘yinlarim” (Мои приложения и игры) menyusidagi “Ulashish” (Поделиться) yorlig‘ini tanlang.
3️⃣. Birinchi smartfonda “Yuborish” (Отправить), ikkinchisida “Qabul qilish” (Получить)'ni tanlang.
4️⃣. Yuborilishi lozim bo‘lgan ilovalarni tanlang, yaqin atrofdagi smartfonlar ro‘yxati paydo bo‘lguncha kuting va tegishli smartfonni tanlang.
5️⃣. Xavfsizlik uchun ikkala smartfonda ham kod ko‘rsatiladi. Uning mos kelishiga ishonch hosil qiling.
6️⃣. Qabul qiluvchining smartfonida “Qabul qilish” (Получить) tugmasini bosing.
7️⃣. Ilova o‘tkazilgandan so‘ng, u o‘rnatishilishi lozim. Bir nechta ilovalarni uzatishda, ularni bir vaqtning o‘zida o‘rnatishingiz mumkin. Buning uchun “Hammasini o‘rnatish” (Установить всё)'ni ustiga bosing.
❗️
Yuboruvchining smartfonida ilovalarga nisbatan qo‘llanilgan sozlamalar uzatilish vaqtida saqlanib qolmaydi.
✅ Ulashish jarayoni yakunlanganidan so‘ng, smartfonlar orasidagi aloqani uzish uchun – “Uzish” (Отключить) tugmasini bosing.❗️Play Market orqali emas, balki boshqa manbalardan o‘rnatiladigan ilovalarni bu tarzda o‘tkazish mumkin emas (ular boshqa smartfonga yuborilishi mumkin bo‘lgan ilovalar ro‘yxatida ko‘rinmaydi.
🏷 Izoh: Oxirgi paytlarda SHAREit ilovasida “g‘alati” reklamalarning ko‘rsatilishi, tushunarsiz o‘yinlarning internetdan o‘z-o‘zidan ko‘chirilishi kabi holatlar kuzatilmoqda.
Shu sabab, fayllarni boshqa smartfonga o‘tkazish uchun aynan "Yaqin-atrofga yuborish" funksiyasidan yoki SHAREit ilovasining muqobil variantlaridan (masalan, ShareMe) foydalanish tavsiya etiladi.
📝 Manba: @gsmgurus_FAQ
ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism
👨🏻💻@itspecuz | Mundarija
