#smartfon #android #rasm_bilan_ishlash

Android'da uzun skrinshot qanday yaratiladi? 📱

Shunday holatlar bo‘ladiki, siz uchun qandaydir kerakli ma’lumot keltirilgan sahifa ekranning standart o‘lchamiga sig‘maydi va undan bir necha bosqichda skrinshot olishga to‘g‘ri keladi. Bunday holatda siz Android uchun mo‘ljallangan LongShot mobil ilovasidan foydalanishingiz mumkin.

1. Ilovani PlayMarket'dan yuklab oling va ishga tushiring.
2. Uzun skrinshotni tasvirga olish rejimini tanlang: avtomatik o‘tkazish (Автопролистывание), qo‘lda boshqarish (Ручной захват) yoki tezkor rejim (Скоростной режим).
3. Rejimlar ro‘yxatidan o‘ng tomonda joylashgan ko‘k rangli belgi ustiga bosing.
4. Ilova fonda ishlash holatiga o‘tadi, so‘ngra asosiy ekran ochiladi, chap tomonda esa “Старт” (“Boshlash”) va “Отмена” (“Bekor qilish”) tugmalari paydo bo‘ladi.
5. Sizga kerakli bo‘lgan ilovaga o‘ting.
6. “Старт” (“Boshlash”) tugmasini bosing.
7. Ekranda qizil hoshiya paydo bo‘ladi. Skrinshotni yaratish uchun ekranni pastdan yuqoriga, hoshiyaga qadar siljiting.
8. Jarayonni yakunlash uchun chap tomonda joylashuvchi “Готово” (“Tayyor”) tugmasini bosing.
9. Keyingi bosqichda ilova yana ekranga chaqiriladi va unda skrinshotning tayyor variantini ko‘rish mumkin bo‘ladi.
10. Rasm telefon xotirasida saqlanishi uchun “Сохранить” (“Saqlash”)ni bosing.

Shuningdek siz bir nechta rasmlarni bitta uzun skrinshotga birlashtirishingiz mumkin. Parametrlarda esa rasmning saqlanadigan joyi va formatini o‘zgartirish mumkin hisoblanadi.

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija