#smartfon #maslahat

Smartfondagi bu sozlamalarga tegmang! 📱⚙️

Smartfon sozlamalari bilan ishlashda ehtiyotkorlik zarar qilmaydi, ayniqsa, tushunmagan narsangizni o‘zgartirishga urinmang. Masalan, SIM-karta sozlamalarini bilib-bilmay o‘zgartirish aloqa va internet sifatining pasayishidan tortib, butunlay yo‘qolishigacha olib keladi, dedi “Sinergiya” universiteti axborot texnologiyalari instituti direktori Stanislav Kosarev “Praym”ga bergan intervyusida.

📍Ekspert: “Sozlamalar orqali smartfon buzilmagani bilan uning ish sifati buzilishi mumkin”.

Avvalo, telefonning SIM-kartasi sozlamalariga kirish tavsiya etilmaydi. Qilayotgan o‘zgartirishlaringiz to‘g‘riligiga ishonchingiz komil bo‘lmasa, mutaxassisga quloq tuting. Aks holda, noto‘g‘ri o‘zgartirishlar ovozli va internet aloqasi batamom yo‘qolishiga olib keladiki, keyin o‘z holiga qaytarish uchun ko‘p vaqtingiz ketadi. Aksariyat operatorlar SIM-karta menyusiga kiritadigan pulli xizmatlarga obuna bo‘lishda ham xuddi shunday: avval yaxshilab o‘ylab ko‘ring.

“Maxsus imkoniyatlar, masalan, ko‘rish qobiliyati past insonlar uchun rejim mavjud. Undan noto‘g‘ri foydalansangiz telefonning interfeysi o‘zgarib qoladi, bunda ham avvalgi holatiga qaytarish uchun ko‘p urinishingizga to‘g‘ri keladi”, — ogohlantirdi Kosarev.

📝 Manba: Xabar.uz

👨🏻‍💻@itspecuz | Mundarija