​​#internet

🚮 “Facebook”dagi akkauntni o‘chirish

Agar akkauntni o‘chirib yuborsangiz, sizning ijtimoiy tarmoqdagi barcha shaxsiy ma’lumotlaringiz yo‘q bo‘lib ketadi va ularni qayta tiklash ilojsiz. Jarayon (akkauntni o‘chirish) siz o‘chirish haqidagi so‘rovni jo‘natganingizdan so‘ng bir necha kun o‘tib boshlanadi (“Facebook” aniq muddatni aytmaydi). Agar fikringizdan qaytib qolsangiz mana shu oraliqda so‘rovingizni qaytarib olsangiz bo‘ladi. Ma’lumotlarning zaxira tizimlaridan to‘liq o‘chirib yuborilishiga uch oygacha vaqt ketadi.

O‘chirishdan oldin siz o‘z akkauntingizda saqlanayotgan barcha ma’lumotlarni kompyuteringizga ko‘chirib olishingiz mumkin. Buning uchun brauzer orqali “Facebook”da avtorizatsiyadan o‘tib, sozlamalarga kiring va sahifaning eng quyi qismida joylashgan “Скачать копию ваших данных на Facebook” (“Facebook”dagi ma’lumotlaringiz nusxasini ko‘chirib olish”) tugmasini bosing.

O‘chirishga so‘rov jo‘natish uchun istalgan qurilmada ushbu havolaga o‘ting, agar lozim bo‘lsa, o‘sha o‘zingiz o‘chirmoqchi bo‘lgan akkaunt yordamida avtorizatsiyadan o‘ting. Keyin esa servisning ko‘rsatmasi bo‘yicha amallarni bajaring.

📝 Manba: @tuit_online

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg