​​#maslahat

📢 Kompyuter bilan ishlaganda ko‘zlarni qanday asrash mumkin?

⚡️Agar tez-tez va uzoq vaqt kompyuterda ishlasangiz, ko‘rish qobiliyatingiz yomonlashishi mumkin. Texas universiteti olimlari ko‘zlarga muntazam ravishda hordiq berishni va «20-20-20-20» nomini olgan usulni qo‘llashni tavsiya etadi.

💥U juda oddiy – har 20 daqiqada ko‘zlarni ekrandan olib, 20 soniya davomida kompyuterdan 20 fut (6 metrga yaqin) masofada turgan predmetlarga qarash kerak. Shu bilan birga ko‘zlarni kamida 20 marta yumib-ochish ham lozim bo‘ladi.

AQShlik mutaxassislarning fikricha, ana shunday oddiy, biroq samarali harakatlar ko‘zlar qurishi va charchashi, shuningdek bosh va bo‘yin og‘riqlariga duch kelmaslikning imkonini beradi. Konditsionerli xonada ishlovchi odamlar ushbu qurilmaga alohida e’tibor qaratishlari lozim, chunki u havoni quritib yuboradi, bu esa ko‘zlarda qurish va achishish hissini keltirib chiqaradi.

Olimlar o‘zlari ishlab chiqqan usulning samarali ekaniga shubha qilmayapti va uni nafaqat shaxsiy kompyuter foydalanuvchilariga, balki o‘zining ko‘rish qobiliyatini asrashni xohlagan barcha kishilarga tavsiya etadi.

👨💻 @informatika