2026 жылғы 21 сәуір күні Алматы қаласында Қазақстан-Британ техникалық университеті базасында «Автоматтандыру және басқару» білім беру бағдарламасы бойынша XVIII Республикалық пәндік олимпиаданың II кезеңі өтті.
Аталған білім додасына республика бойынша «Автоматтандыру және басқару» мамандығында білім алып жатқан студенттер қатысып, өзара бақ сынасты. Бұл сайыс олардың кәсіби даярлығы мен инженерлік ойлау қабілетін бағалауға бағытталды.
Республикалық олимпиаданың I кезеңі қорытындысы бойынша Қ.И. Сәтбаев атындағы Қазақ ұлттық техникалық зерттеу университеті атынан II кезеңге Дусупова Айсара Темиржановна, Шалабаева Милана Аскаровна және Шадиев Аблайхан Маратович жолдама алды. Команданың ғылыми жетекшілігін Автоматтандыру және басқару кафедрасының оқытушысы Зиявдунова Дильназ Тохтахуновна атқарды.
Республикалық олимпиада қорытындысы бойынша «Автоматтандыру және роботтандыру» білім беру бағдарламасының 3 курс студенттері жоғары нәтиже көрсетті:
– Шалабаева Милана Аскаровна – II орын иегері
– Шадиев Аблайхан Маратович – III орын иегері

Бұл жетістік – студенттердің табандылығы мен білімге деген жауапкершілігінің айқын дәлелі. Мұндай олимпиадалар болашақ инженерлердің кәсіби дамуына серпін беріп, автоматтандыру және басқару саласына деген қызығушылығын арттыра түседі.
Қ.И. Сәтбаев атындағы Қазақ ұлттық техникалық зерттеу университеті сапалы білім беру мен ғылыми әлеуетті дамыту бағытында тұрақты түрде жоғары нәтижелер көрсетіп келеді.
Жеңімпаздарды шын жүректен құттықтай отырып, алдағы уақытта жаңа жетістіктер мен толағай табыстар тілейміз! 🎉