Bugun jumada masjidga yaqinlashib qolganimizda, bir kishi yoshroq qiz bilan oldimizdan o'tib ketti. Keyin yanada masjidga yaqinlashib erkaklar orasidan ham o'tib ketayotgandi jaxlim chiqib, "Nega ayolini reklama qilib yuriptikin" deb hayolimdan o'tti. Keyin bir bola o'sha amakiga "Kelin buyog'iga men olib kirib ketaman" dedi va u kishi yonidagi qizga qarab "shu yerda kutib turgina" deb iltimos qilib yo'lida davom etti. Barchasini tushundim :(

U insonni ko'zlari ojiz bo'lib, qizi masjidga olib chiqib ketayotgan ekan. Shu sababli yomon gumonlardan imkon boricha tiyilganimiz yaxshi bo'lmasa menga o'xshab uyalib qolishingiz mumkin. Qanchadan-qancha sog'lom insonlar uyalmasdan uyida qolaverganida bu inson imkoni boricha harakat qilyapti...

@islombekdev