Hicab səmalardan nazil olan əmrdir!
Əziz müsəlmanlar!
Qəlbində iman daşıyan bər bir kişi və qadın ilk növbədə bilməlidir ki, uca Allahın Öz Kəlamında buyurduğu hər bir əmr və qadağa insanın xeyri və səadəti üçündür. Uca Allahın yeddi qat səma üzərindən nazil etdiyi müqəddəs əmrlərdən biri də, məhz hicabdır.
Hicab nə bir moda, nə də müəyyən bir cəmiyyətə və xalqa aid olan hər hansı bir geyim tərzi deyil. Hicab uca Allahdan Öz sevimli Peyğəmbərinə nazil etdiyi İlahi bir əmrdir. Diqqət edin. Uca Allah Öz sevimli Peyğəmbərinə belə buyurur:
يَٰٓأَيُّهَا ٱلنَّبِيُّ قُل لِّأَزۡوَٰجِكَ وَبَنَاتِكَ وَنِسَآءِ ٱلۡمُؤۡمِنِينَ يُدۡنِينَ عَلَيۡهِنَّ مِن جَلَٰبِيبِهِنَّۚ ذَٰلِكَ أَدۡنَىٰٓ أَن يُعۡرَفۡنَ فَلَا يُؤۡذَيۡنَۗ
Ey Peyğəmbər! Zövcələrinə, qızlarına və möminlərin qadınlarına de ki, örtüklərini üzərlərinə örtünsünlər. Bu onların tanınması və onlara əziyyət verilməməsi üçün daha uyğundur! Əhzab:59
Hicab həddi buluğa çatmış hər bir qız üçün yerinə yetirilməsi lazım olan uca Allahın göstərişidir. Hicab, qadının əsl azadlığının və mənəvi ucalığının bir qalasıdır. Hicaba qarşı çıxmaq və ya ona dil uzatmaq, sadəcə bir geyimə qarşı deyil, əslində insanın inancına və İlahi dəyərə qarşı olan böyük bir hörmətsizlikdir. Hicaba hörmət - Uca Allaha və Onun yeddi qat səma üzərindən nazil etdiyi müqəddəs Kəlamına eyni zamanda hicab geyinən müsəlman xanımların inancına hörmət və dəyərdir!
✍ Səid Ələkbərov
https://t.me/islamfezileti