Qisqa, betayin videolar, xabarlarni ko'raverish oqibatida miyani o'ldirib bo'lishdi. Atrof to'la tik-tok miyalar. Buni eng katta zarari odam katta ma'lumotlar, uzun videolar, xabarlarni qabul qilgisi kelmay qoladi. Miya dangasa bo'lib, faqat qisqa va ko'ngilochar kontentlarga mute' bo'lib qoladi.
Hattoki 5-6 qator xabar yoki e'lonni ham o'qishga erinishadi. Ayrimlar esa sarlavhani o'zi bilan ham kifoyalanib qo'ya qoladi. Tayini yo'q ba'zi axborot nashrlari uchun esa bu ayni muddao. Sarlavha bilan piar qilish.
Yaqinda bo'lgan voqea. Ta'ziya e'lonida aniq qilib, falonchini oila a'zolaridan biri olamdan o'tgan va u kishiga hamdardlik bildirib yozilgan edi. Juda ko'pchilik u kishini o'zini olamdan o'tti deb dod-voy qilib yozganini ko'rdim.
Tik-tok, instagram reels, youtube shortslardan imkon qadar voz keching. Miya bunga narkotikdek o'rganib qoladi. Keyin uni eski holatiga qaytarish juda qiyin bo'ladi.
Zerikarli tuyulsa ham, ilmiy va uzun maqolalar o'qing, foydali videolar ko'ring. O'tkazib emas, boshidan oxirigacha.
Bizni ekran oldiga o'tkazib, qo'limizga telefon berib qo'yganlar bizni boshqarishadi. Vaqtinchalik ko'ngilxushlik mag'lubiyatdan boshqa narsa emas.

Jahongir Siddiqov

@teamwork_uz