⚠️🇺🇸💧АҚШ орбитага биринчи космик қуролини жойлаштирди

АҚШ ўзининг биринчи космик қуролини орбитага жойлаштирди, деб маълум қилди АҚШ Ҳарбий-ҳаво кучлари давлат котиби Трой Майн.

У космосга айнан қандай турдаги қурол жойлаштирилгани ҳақида батафсил маълумот бермади, аммо унинг «космик маконни назорат қилиш» учун мўлжалланганини таъкидлади.

Америкалик амалдор Washington Post газетасига маълум қилишича, бу қуролдан душман суний йўлдоши (СЙ) АҚШ қўшинлари ёки Америка СЙга нишон олиш учун фойдаланилса, уни йўқ қилиш учун ҳам фойдаланиш мумкин.

Майн АҚШнинг космик қуролланиши ҳақидаги маълумот нега айнан ҳозир ошкор қилинганини тушунтирмади ва фақат «бундай масалалар ҳақида қандай гапиришимизда кўплаб омиллар роль ўйнайди», деб таъкидлади.

«Бу тийиб туриш нуқтаи назаридан муҳим»,
деди у ва янги қурол Америка Қуролли Кучларини «душманнинг душманлик ҳаракатлари»дан ҳимоя қилишини қўшимча қилди.

Washington Post нашри таъкидлашича, бу АҚШ ўзининг космосдаги ҳужумкор имкониятлари мавжудлигини омма олдида биринчи марта тан олиши бўлиб, бунга қадар Америка кўп йиллар давомида Россия ва Хитой орбитада ҳужумкор операциялар ўтказаётгани, жумладан, лазерлардан фойдаланиш ва Америка СЙга халақит бериш воситаларини яратиш билан шуғулланаётгани ҳақида огоҳлантириб келган.

Нашр маълумотларига кўра, АҚШ шунингдек, «Golden Dome» деб номланган бўлажак ракетага қарши мудофаа тизимининг бир қисми бўладиган космик ракеталар тармоғини ҳам ишлаб чиқмоқда.

P.S.: Космос тўғрисидаги шартнома ва ҳоказолар...

#АҚШ #Космос #КосмикҚурол #Хавфсизлик

Манба - InfoDefenseDEUTSCH (Немис тилидаги каналимиз, эслатамиз сиз ҳам InfoDefense лоиҳаси кўнгилисига айланишингиз мумкин)

⚡️ Обуна бўлинг:
⚡️InfoDefense
❤️InfoDefenseOʻzbe