2023-ին պիտի ավարտվեր, 2026-ին դեռ չի սկսվել. ինչու է ձգձգվում խոշորագույն արևային կայանի ներդրումային ծրագիրը

🔸 Դեռեւս անցյալ տարի՝ 2025 թվականի ապրիլին, ՀՀ էկոնոմիկայի նախարար Գևորգ Պապոյանը Արաբական Միացյալ Էմիրություններում հանդիպել էր «Մասդար» ընկերության գլխավոր գործադիր տնօրեն Մուհամեդ Ջամիլ Ալ Ռամահիի հետ։ Հանդիպման շրջանակում հաստատվել էր Հայաստանում «Այգ-1» արևային ֆոտովոլտային ծրագրի առաջիկա աշխատանքների ճանապարհային քարտեզը և համաձայնություն ձեռք բերվել, որ դրա շինարարության մեկնարկը կտրվի 2026 թվականի սկզբին։

☝Սակայն շինարարական աշխատանքների մեկնարկի և ավարտի ժամկետները դեռևս հստակեցված էլ չեն։ Այս մասին «Ինֆոքոմը» տեղեկանում է ՀՀ էկոնոմիկայի նախարարություն ուղարկած գրավոր հարցման պատասխանից։

📌 Մենք հետաքրքրվել էինք, թե արդյոք մեկնարկել են շինարարական աշխատանքները, ինչ փուլում են դրանք և երբ է նախատեսվում դրանց ավարտը։ Նախարարության արձագանքը, սակայն, այս հարցերին պատասխաններ չի տալիս։