📺 "Саҥа күн" биэриигэ:

🔸 Дойду субъектарын бүддьүөтэ тэҥ дохуоттаах уонна ороскуоттаах буолалларын хааччыйыыга анаммыт Федерация Сэбиэтин мунньаҕар Ил Түмэн бэрэссэдээтэлэ Алексей Еремеев кытынна: Регионнар көмө быһыытынан федеральнай үбү ылалларыгар үгүс ирдэбиллэр баалларын, ол түмүгэр үгүс суолталаах бырайыактар олоххо киирбэккэ, тардыллан хаалалларын мунньахха бэлиэтээтилэр.

🔸 Ил Түмэн вице-спикерэ Александр Жирков Дагестааҥҥа ыытыллыбыт бөдөҥ форумҥа тыл сокуонугар сыһыаннаах сытыы боппуруоһу көтөхтө. Төрөөбүт тылы хараанныырга анаммыт дойду сокуонугар киирэр уларытыылары тула регионнар киэҥ дьүүллэһиини ыытыахтаахтарын вице-спикер бэлиэтээтэ.

🔸 Дьону үлэнэн хааччыйар судаарыстыба соругун Ил Түмэҥҥэ ырыттылар: Үлэтэ суох дьон эбии идэни баһылыылларыгар үлэ тиһиктээхтик барыахтааҕын мунньахха эттилэр.

🔸 Сайыҥҥы кэмҥэ оҕо сынньалаҥын тэрийиигэ баар кыһалҕаны Ил Түмэн наукаҕа уонна үөрэххэ сис кэмитиэтин мунньаҕар ырыттылар: Оҕону үлэҕэ такайар, сыһыарар үлэ тэтимириэхтээҕин, онно бары министиэристибэлэр кыттыһыахтаахтарын норуот итэҕэллээхтэрэ бэлиэтээтилэр.

Сиһилии биэриигэ көрүҥ ⤴️

Ил Түмэн пресс-сулууспата

💬МАХ | 💙ВК | 💬ОК
📝Дзен | 📺RuTube