🏛 Is’hoqxon Ibrat nomidagi Namangan davlat chet tillari instituti rektori R.Karimov hamda Yoshlar masalalari va ma’naviy-ma’rifiy ishlar bo‘yicha birinchi prorektor X.Nishonov tomonidan Namangan shahri Davlatobod tumani, Orzu MFY hududida ijara asosida istiqomat qilayotgan Til va tarjima fakulteti talabalari holidan xabar olindi.
Tashrif davomida talabalarning yashash sharoitlari, ularga yaratilgan qulayliklar va maishiy shart-sharoitlar bilan yaqindan tanishilib, talabalar bilan samimiy suhbat tashkil etildi. Muloqot jarayonida yoshlarning ta’lim olishi, bo‘sh vaqtini mazmunli tashkil etishi, xavfsizligi hamda mavjud muammolarini o‘rganishga alohida e’tibor qaratildi.
🏘 Shuningdek, ijara xonadonlari joylashgan ko‘p qavatli uylarning xavfsizlik tizimi ham ko‘zdan kechirildi. Xususan, hududlarda kuzatuv kameralari o‘rnatilgani, har bir uy kirish qismida (padezdalarda) favqulodda vaziyatlar uchun xavf tugmalari mavjudligi talabalarning xavfsiz va osoyishta muhitda istiqomat qilayotganidan dalolat berishi ta’kidlandi.
🛡 Talabalar istiqomat qilayotgan hududlarning xavfsizlik infratuzilmasi, mahalla va oliy ta’lim tashkiloti o‘rtasidagi hamkorlik yoshlarning hayoti va salomatligini himoya qilish, ular uchun munosib sharoit yaratishda muhim omil bo‘lib xizmat qilmoqda.
🌱 Talaba manfaati, uning xavfsizligi va farovon hayoti — doimo e’tibor markazida!
👍Is'hoqxon Ibrat nomidagi Namangan davlat chet tillari instituti axborot xizmati
Bizni rasmiy sahifalarimizda kuzatib boring:
| Telegram | Veb-sayt| Facebook |Instagram | YouTube