🤩 Стихиры апостола Иоанна, на Господи, воззвах, глас 1:
(Подобен: Небесных чинов)

Зри‌тель неизрече‌нных открове‌ний / и сказа‌тель вы‌шних Бо‌жиих тайн, / сын Зеведе‌ев, / написа‌в нам Христо‌во Ева‌нгелие, / богосло‌вити Отца‌ и Сы‌на и Ду‌ха Свята‌го, / научи‌л есть.

Богодви‌жимая цевни‌ца Небе‌сных пе‌ний, / тайнопи‌сец сый, / богосказа‌нная уста‌, пе‌ние пе‌сней пое‌т красно‌, / устне‌ бо движа‌, я‌ко стру‌ны, / я‌коже бряца‌ло язы‌к движа‌, / мо‌лится спасти‌ся нам.

Громогла́сным твои́м язы́ком/ извеща́я Бо́жия му́дрости сокрове́нное слово, Бо́гу возлю́бленне,/ зове́ши при́сно, движа́ устна́ми ча́сто,/ е́же в нача́ле бе Сло́во,/ и науча́еши вся́каго челове́ка к зна́нию Бо́га.

🌟Стихира на Слава апостола Иоанна на Господи, воззвах, глас 2:

Сы‌на гро‌мова, основа‌ние Боже‌ственных слове‌с, / нача‌льника богосло‌вия / и пропове‌дника пе‌рвейшаго и‌стины догма‌тов Бо‌жия му‌дрости, / возлю‌бленнаго Иоа‌нна и де‌вственника, / челове‌ческий род по до‌лгу благопохва‌лим: / сей бо непреста‌нно в себе‌ име‌я Боже‌ственное, / е‌же в нача‌ле бе, рече‌, Сло‌во, / а‌бие же ко Отцу‌ неразлу‌чное, / и ра‌вное по сих О‌тча Существа‌, / показу‌я нам Собо‌ю правосла‌вие Святы‌я Тро‌ицы: / Соде‌теля же су‌ща со Отце‌м и жизнь нося‌ща, / и Свет И‌стинный Того‌жде показа‌ нам. / О чудесе‌ ужа‌снаго и ве‌щи мудри‌тельныя! / Я‌ко полн сый любве‌, / полн бысть и богосло‌вия, / сла‌вою, и че‌стию, и ве‌рою / основа‌тель сый чи‌стыя на‌шея ве‌ры, / ея‌же ра‌ди получи‌м ве‌чная блага‌я в День Су‌дный.

🌟 Стихира на стиховне ап. Иоанна Богослова, глас 6: 
(Знаменный распев в обработке)

Апо‌столе Христо‌в, евангели‌сте Богосло‌ве, / неизрече‌нных таи‌нник быв, / прему‌дрости неизглаго‌ланная нам возгреме‌л еси‌ уче‌ния, / Е‌же в нача‌ле бе, уясни‌в ве‌рным / и е‌же не бе, отложи‌в, / ерети‌чествующих отрева‌я словеса‌, / напе‌рсник яви‌вся и друг возлю‌блен; / я‌коже Иса‌ия велегла‌снейший / и Моисе‌й Богови‌дец, / дерзнове‌ние име‌я к Бо‌гу, / приле‌жно моли‌ся о душа‌х на‌ших.

🌟 Стихи‌ры на хвалитех ап. Иоанна Богослова, гла‌с 8:
(Подобен: О, преславного чудесе!)

Блаже‌нне Иоа‌нне всему‌дре, / оби‌льною теплото‌ю Христо‌вы любве‌ / мно‌жае все‌х бы‌л еси‌ / ученико‌в люби‌мь Всеви‌дцу Сло‌ву / и судя‌щему пра‌выми ме‌рами все‌й вселе‌нней, / чистоты‌ и де‌вства / добро‌тами озари‌вся / те‌лом и по‌мыслом, / богоблаже‌нне.

Сла‌ва, гла‌с 8.
Благове‌стниче Иоа‌нне, равноа‌нгельне, де‌вственниче, богосло‌ве, богонауче‌нне, правосла‌вно ми‌ру пречи‌стое ребро‌, кро‌вь и во‌ду источи‌вшее, пропове‌дал еси‌, и‌мже ве‌чную жи‌знь обрета‌ем душа‌м на‌шим.

📚 Тропарь ап. Иоанну Богослову, глас 2:
🔤- в редакции №1
🔤- в редакции №2
🔤- одноголосное с исоном
🔤- в редакции №3
🔤- обиходный напев

Апо́столе, Христу́ Бо́гу возлю́бленне,/ ускори́ изба́вити лю́ди безотве́тны:/ прие́млет тя припа́дающа/ И́же па́дша на пе́рси Прие́мый,/ Его́же моли́, Богосло́ве,/ и належа́щую мглу язы́ков разгна́ти,/ прося́ нам ми́ра и ве́лия ми́лости.

🌟 Кондак апостолу, глас 2:

Вели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,/ я́ко Богосло́в и друг Христо́в.

🤔 Величание апостола
(Муз. Додонова)

Велича́ем тя,/ апо́столе Христо́в и евангели́сте, Иоа́нне Богосло́ве,/ и чтим боле́зни труды́ твоя́, и́миже труди́лся еси́// во благове́сти Христо́ве.

#Богови_воспоим