☦️ Тропарь Рождества Пресвятой Богородицы, глас 4:
🔤- Синодальный распев
🔤- муз. неизвестного автора №1
🔤- муз. неизвестного автора №2
🔤- одноголосный с исоном
🔤- муз. свящ. В. Зиновьева
🔤- обиходный распев

Рождество‌ Твое‌, Богоро‌дице Де‌во,/ ра‌дость возвести‌ всей вселе‌нней:/ из Тебе‌ бо возсия‌ Со‌лнце Пра‌вды, Христо‌с Бог наш,/ и, разруши‌в кля‌тву, даде‌ благослове‌ние,// и, упраздни‌в смерть, дарова‌ нам живо‌т ве‌чный. 

❄️Кондак Рождества Пресвятой Богородицы, глас 4:
🔤- обиходный распев
🔤- знаменный распев

Иоаки́м и А́нна поноше́ния безча́дства/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и Пита́тельницу Жи́зни на́шея.

❄️Задостойник Рождества Пресвятой Богородицы
🔤- муз. прот. П. Турчанинова
🔤- знаменный распев

Велича́й, душе́ моя́, / пресла́вное рождество́ Бо́жия Ма́тере.
Чу́жде ма́терем де́вство / и стра́нно де́вам деторожде́ние; / на Тебе́, Богоро́дице, / обоя́ устро́ишася. / Тем Тя, вся племена́ земна́я, // непреста́нно велича́ем.

❄️Стихира Рождества Пресвятой Богородицы, глас 6:
(Муз. Д. Аллеманова)

Сей день Госпо́день,/ ра́дуйтеся, лю́дие:/ се бо Све́та черто́г/ и кни́га Сло́ва Живо́тнаго/ из утро́бы произы́де,/ и Я́же к восто́ком дверь, ро́ждшися,/ ожида́ет вхо́да Святи́теля вели́каго,/ еди́на и Еди́наго вводя́щи Христа́ во вселе́нную,/ во спасе́ние душ на́ших.

🦋 Стихиры праздника с малой вечерни, глас 2:
(Подобен: Доме Евфрафов)

Ра́дуйся, Иоаки́ме, и А́нно:/ ра́дуйтеся, я́ко ра́дости/ и спасе́ния Хода́таица,/ от непло́дове Де́ва,// нам ражда́ется.

Ты еди́на земны́х/ показа́лася еси́ спасе́ние,/ я́ко ро́ждши Сло́во,/ па́че сло́ва и естества́:// тем Тя ублажа́ем.

Отложи́, Ада́ме и Е́во,/ вся́ку печа́ль:/ Ма́ти бо Ра́дости/ от непло́дове// пресла́вно прозяба́ет днесь.

Храм Бо́жий,/ еди́на Богоро́дица,/ от непло́дове/ и неражда́ющия происхо́дит,// и ра́дуется Ада́м, взыва́я.

Глас 6:
(Знаменный распев)
Днесь и‌же на разу‌мных Престо‌лех почива‌яй Бог/ Престо‌л свят на земли‌ Себе‌ предугото‌ва:/ утверди‌вый му‌дростию Небеса‌/ Не‌бо одушевле‌нное человеколю‌бием соде‌ла,/ от неплоднаго бо ко‌рене/ сад живоно‌сен израсти‌ нам, Ма‌терь Свою‌/ И‌же чуде‌с Бог/ и ненаде‌ющихся наде‌жда,// Го‌споди, сла‌ва Тебе‌.

#Богови_воспоим