Сабыр етиң жан баўырлар.

( 12 перзентин жойтып отырған туўысқан қазақ халқына  қарақалпақ халқы атынан  кеўил айтыў.)

Нәўқыран суңқар жигитлер,
Әжелге қалай қыярсаң,
Кеўлиңди нелер жибитер,?!
Үйиңе қалай сыярсаң?!..

Сабыр етиңлер баўырлар,
Дәртлериң көпшип аўырлар,
Әжели келсе илаж жоқ,
Жан дүньясы жаўырлар...

Әзелден бизлер туўысқан,
Намысқа белди буўысқан,
Қайғыңызға  шерикпиз,
Тарықсаң шалғай жабысқан.

Кун сайын дәртлер аўырлар,
Тыпыршып турма саўырлар?!..
Шымылдыққа  да кирместен,
Қыршын кетти ме баўырлар?!!

""Кут  мени" деген сөз басы,
Кайтпады аттың қасқасы...
Аралға барып қуйар ма?
Он еки қыздың көз жасы.

Әжели келсе ара жоқ,
Қолыңнан келер шара жоқ,
Он еки ҳасыл дара жоқ
Сабыр етиң жан баўырлар!

Гулистан Даўлетова

Қарақалпақстан халық шайыры.

26  сентябрь 2026 жыл

Каналға ағза болыў: ➡️ @hoja_uz