Psixologiyalıq-medicinalıq-pedagogikalıq komissiyası jumısında júzege kelgen jaǵday boyınsha RÁSMIY MÚNÁSIBET

Búgin Prezident janındaǵı Sociallıq qorǵaw milliy agentligi Qaraqalpaqstan Respublikası basqarması tárepinen gezektegi psixologiyalıq-medicinalıq-pedagogikalıq komissiyası ótkeriw processinde puqaralardıń sanı keskin kóbeyiwi nátiyjesinde náwbet júzege kelgen.

Bul jaǵday basqarma basshıları tárepinen qadaǵalawǵa alınıp, náwbet júzege kelgen waqıttıń ózinde zárúr ilajlar kórildi. Ata-analar hám balalar ushın kútiw sharayatları jaratıldı, olarǵa zárúr shólkemlestiriwshilik járdemler kórsetildi.

Sonı ayrıqsha atap ótiw kerek, balalar hám olardıń ata-analarına qolaylı sharayat jaratıw, komissiya procesin tártipli hám nátiyjeli shólkemlestiriw basqarmanıń turaqlı itibarında.

Keleshekte de puqaralar ushın artıqsha kútiwlerdiń aldın alıw, qabıllaw procesin bunnan bılay da jetilistiriw hám shólkemlestiriw máselelerin ornında sheshiw boyınsha tiyisli ilajlar kórip barıladı.

Biz Prezident janındaǵı Sociallıq qorǵaw milliy agentligi Qaraqalpaqstan Respublikası basqarması iskerligine biyparıq bolmaǵan barlıq ǵalaba xabar quralları, sonıń ishinde Hoja.uz kanalına minnetdarshılıǵımızdı bildiremiz.

📝 Telegram | 💻 Instagram | 📝 Facebook | 🎖 ihma.uz