Олимпийскэ резервым и Мыекъопэ спорт еджапIэу В. С. Максимовым ыцIэ зыхьырэм зыщызыгъэсэгъэ На­тIэкъо МэдинэУрысыем щыпсэурэ лъэпкъхэм я Спартакиадэ къыдыхэлъытагъэу баскетболымкIэ (3 x 3) зэнэ­къо­къум дышъэ къыщихьыгъ. Республикэм илIыкIо Москва ихэшыпыкIыгъэ куп хэтыгъ.
Зэнэкъокъум икIэух едзыгъо Москварэ Пермскэ краимрэ щешIагъэх, апэрэхэр нахь лъэшыгъэх, 21:18-у текIоныгъэр къыдахыгъ. Москва ибаскетболистхэм пэрытныгъэр аубытыным иIахьышIу хэлъ НатIэкъо Мэдинэ. Мы илъэсымкIэ ар ятIонэрэ гъэхъэгъэ ин. Урысыем иныбжьыкIэ командэ хэтэу FIBA 3 x 3-м къыдыхэ­лъытэгъэ лъэпкъхэм ялигэ иазиатскэ едзыгъоу бэдзэогъум рагъэкIокIыгъэм дышъэ медаль къы­щихьыгъ.

НатIэкъом игъэхъагъэхэм джыри зэ къаушыхьаты тишъолъыр сэнаущыгъэ зыхэлъ спортсменхэмкIэ зэрэбаир.