Урысыемрэ Адыгеимрэ якъэралыгъо тынхэр защаратыжьыгъэ Iофтхьабзэ джащ фэдэу концерт Унэу «Налмэсым» щыкIуагъ. АР-м и ЛIышъхьэу КъумпIыл Мурат ар зэрищагъ.

ЩытхъуцIэу «УФ-м цIыфхэр социальнэу ухъумэгъэнхэмкIэ изаслуженнэ IофышI» зыфиIорэр фагъэшъошагъ АР-м IофшIэнымрэ социальнэ хэхъоныгъэмрэкIэ и Министерствэ иотдел ипащэу Къэндаур Тэмарэ. УФ-м и Президент и Щытхъу тхылъ фагъэшъошагъ АР-м псэолъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ и Министерствэ июридическэ отдел иупчIэжьэгъу шъхьаIэу Наталья Машкина-Мартыненкэм.

УФ-м и Президент и Рэзэныгъэ тхылъ къулыкъу зэфэшъхьафхэм Iоф ащызышIэрэ нэбгыри 9-мэ къаратыгъ. АР-м икъэралыгъо тынхэр, АР-м и ЛIышъхьэ ищытхъу ыкIи ирэзэныгъэ тхылъхэр нэбгырэ 30-м ехъумэ къафагъэшъошагъ.

https://adygvoice.ru/single_v2.php?post_id=191826