Илъэс 15-кIэ узэкIэIэбэжьмэ, «Адыгэ Хасэр» кIэщакIо зэрэфэхъугъагъэм тетэу мэфэкIыр Адыгеим щыхагъэунэфыкIэу рагъэжьагъ...
ЗэрымышIэкIэ мафэр къыхахыгъэп: Iоныгъом и 28-м – адыгэ модельер цIэрыIоу СтIашъу Юрэ къызыхъугъэ маф. Адыгэ лъэпкъыр лъэшэу зэрыгушхорэ шъуашэр зэлъягъэшIэгъэнымкIэ ащ бэ фызэшIокIыгъэр.
Адыгэ хъулъфыгъэ шъуашэр зэрэдунаеу щызэлъашIагъ. Ащ щыщыбэ Кавказым щыпсэурэ лъэпкъхэми, къэзэкъхэми къызфагъэфедагъ. Пачъыхьагъор Урысыем щызыIыгъыгъэхэми цыер агу рихьыщтыгъ.
Бзылъфыгъэ шъуашэм (саем) адыгэ пшъашъэм идэхагъэрэ игоIугъэрэ къыкIегъэтхъы. Шъуашэр ежь-ежьырэу зыдыщтыгъэхэм, дышъэидэкIэ зыгъэкIэракIэщтыгъэхэм ящытхъу сыдигъуи аIощтыгъ. Лъэпкъ шэныр, хэбзэ-зэхэтыкIэхэр зыпкъырызыщэгъэ шъуашэр адыгэхэм ятамыгъэ хъугъэ. Ащ зи лые хэлъэп, зэкIэри щызэкIужьы, бгъэфедэнкIэ Iэрыфэгъоу щыт.
Адыгэ культурэр зыгъэлъэпIэрэ пстэуми мы мэфэкIымкIэ сафэгушIо!
-къыщеlо MAX-м.