Сентябрьнең бер матур якшәмбесендә «Тасма» татар подкастына кунак буларак чакырылдым. Аны Алсу исемле бик сәләтле фикердәшем алып бара
Ул подкастны үз фатирында аулак мохиттә төшерә башлаган иде, ә хәзер инде беренче сезонын Казан киңлекләрендә төшереп тәмамлады. Мин аны рәхәтләнеп цифрлы мәйданчыкларда карап бара идем, ә бу юлы соңгы кунакларның берсе булырга һәм подкастны ачык форматта яздыруда катнашырга насыйп булды
Подкастта шәхси чикләр, амбицияләр, хатын-кызлар турында сөйләштек. Тиздән — барлык мәйданчыкларда
Ә әлегә Фирүзә төшергән күркәм фотоларга күз салыйк. Ә кунаклары бит нинди! Барыгызга да рәхмәт яусын! Татар теле урамнарда ешрак яңгырасын
Ачык яздыру «Күрше. Мирас» махсус проекты кысаларында уза. «Күрше. Мирас» — ТР Рәисе ярдәмендә ТР шәһәрләрен үстерү институты гамәлгә ашыра торган «Күрше» фестиваленең бер өлеше
На русском — в комментариях