📚 PROKRASTINATSIYA — VAQTNI TO‘G‘RI BOSHQARISH SARI!

Guliston davlat universiteti Filologiya fakulteti tyutori
D. Mamadaliyeva tomonidan talabalarning bo‘sh vaqtini mazmunli tashkil etish, vaqtni samarali boshqarish ko‘nikmalarini shakllantirish hamda shaxsiy rivojlanishga bo‘lgan intilishini kuchaytirish maqsadida «Prokrastinatsiya» mavzusida trening mashg‘uloti tashkil etildi.

Trening davomida prokrastinatsiya, ya’ni muhim vazifalarni ortga surish odatining sabablari va uning inson hayotiga ta’siri haqida atroflicha ma’lumotlar berildi. Shuningdek, vaqtni to‘g‘ri taqsimlash, aniq maqsadlar belgilash, ustuvor vazifalarni aniqlash hamda ishlarni o‘z vaqtida bajarishning samarali usullari muhokama qilindi.

Mashg‘ulot davomida talabalar o‘z fikr-mulohazalari bilan faol ishtirok etib, vaqtni qadrlash, intizomli bo‘lish va belgilangan maqsadlar sari qat’iyat bilan intilish borasida muhim tavsiyalarga ega bo‘ldilar.

Unutmang: bugungi kichik qadam — ertangi katta muvaffaqiyat poydevoridir!