#profilaktika

“Biz giyohvandlikka qarshimiz!”—navbatdagi profilaktika tadbiri

Sirdaryo viloyati Ichki ishlar boshqarmasi Jamoat xavfsizligi departamenti Huquqbuzarliklar profilaktikasi boshqarmasi boshlig‘i o‘rinbosarlari J. Salamatov va M. Xidiraliyeva, shuningdek, universitetga biriktirilgan inspektorlar A. Usmonov va S. Tursunboyevalar ishtirokida talaba-yoshlar bilan profilaktik uchrashuv o‘tkazildi.

Uchrashuv davomida talaba-yoshlarga giyohvandlik va psixotrop moddalar, ularning inson salomatligi hamda kelajagiga salbiy ta’siri haqida ma’lumotlar berildi.

Ochiq muloqot ruhida o‘tgan uchrashuvda talabalar o‘zlarini qiziqtirgan savollarga mutaxassislardan javob oldilar.

Tadbirning asosiy maqsadi — yoshlar o‘rtasida giyohvandlikning oldini olish, ularni zararli illatlardan asrash hamda sog‘lom turmush tarziga amal qilishga chorlashdan iborat.

@gulduuz