​Смартфонларда телефон суҳбатларини ёзиш билан боғлиқ умумий муаммо

Янги харид қилинган ёки Android тизими янгиланган смартфонлар фойдаланувчилари телефон суҳбатларини ёзиш имкониятидан маҳрум бўлишгани ҳақида каналда умумий маълумот бериб ўтгандик.

Баъзи смартфон моделларида телефон суҳбатларини ёзиш тизимнинг ўзида мавжуд, бошқаларида эса йўқ, бунинг сабаби нимада?
Сабаби, баъзи мамлакатларда телефон суҳбатларини ёзиб олиш қонун билан тақиқланган ва Android яратувчиси Google компанияси талабига биноан смартфон ишлаб чиқарувчилар ушбу имкониятини ўчириб қўйишган.

Муаммонинг қисман ечими сифатида, махсус иловаларни ўрнатиш (Запись звонков - Cube ACR) ва баъзи смартфонларда суҳбат вақтида динамикни (громкая связь) ёқиш талаб этилади.

Тўлиқ ечим сифатида, мутахассис ёрдамида телефон суҳбатларини ёзиш рухсат берилган давлатлар (Ҳиндистон, Таиланд, Въетнам, Индонезия ва ҳ.к.з) тизимини (прошивка) ўрнатиш. Ушбу усулда, қўшимча иловалар ўрнатишга зарурият йўқ, чунки тизимнинг ўзидаги суҳбатларини ёзиш имконияти фаоллаштирилади.

Кўплаб фойдаланувчиларнинг талаб ва истакларидан келиб чиқиб, Google компанияси ўзининг Телефон (Google Phone) иловаси бета версиясида суҳбатларини ёзиб олиш имкониятини қўшди. Фақат, суҳбат ёзиб олинаётганлиги тўғрисида суҳбатдошга билдирилиши мумкин. Яқин кунларда илованинг якуний версиясини Google Play Маркетда юклаб олиш мумкин бўлади.

#маълумот