🇧🇾БЕЛАРУСЬ СІНЯВОКАЯ

🇧🇾❤️КОЖНАЯ ПЯТНІЦА - РОДНАЕ, СВАЁ❤️🇧🇾

ЭДЗІ АГНЯЦВЕТ

✨Яе творчасць - яскравая старонка ў гісторыі беларускай літаратуры. Эдзі Агняцвет пісала на беларускай мове, і хаця яе паэтычны дэбют адбыўся ў 1929 годзе, а першы лірычны зборнік «Маё пакаленне» ўбачыў свет у 1935 годзе, народную любоў яна заслужыла дзякуючы сваім творам для дзяцей.

📚Вершы, якія ўвайшлі ў зборнікі «Ад зярнятка да вясёлкі», «Васількі», «Краіна маленства» і «Мы сур'ёзныя, мы вясёлыя», а таксама іншыя, пакарылі не адно пакаленне юных чытачоў. Яе паэтычны стыль адрозніваўся добрым гумарам і глыбокім разуменнем дзіцячай псіхалогіі.

✍️Акрамя ўласнай творчасці, яна унесла ўклад у літаратуру як таленавіты перакладчык. У 1969 годзе пераклала на беларускую мову казку Антуана дэ Сэнт-Экзюперы «Маленькі прынц». Дзякуючы ёй на беларускай мове загучалі творы Аляксандра Пушкіна, Мікалая Някрасава, Уладзіміра Маякоўскага, Ганны Ахматавай і Агніі Барто, а таксама творы французскіх паэтаў.

✨Чытайце роднае, сваё, па-беларуску!