АҚШ қўшинларининг Ироққа кириши 2003 йил 20 мартда бошланган. Шу куни АҚШ бошчилигидаги коалиция «Ироқ озодлиги» (Operation Iraqi Freedom) ҳарбий операциясини бошлаган. Мана шу 23 йиллик тарих бугун ўз якунига етди.
Видеода 2003 йил 19 март куни АҚШ президенти Жорж Буш америкаликларга мурожаат қилиб, Ироқда ҳарбий операция бошланишини маълум қилгани тасвирланган.
Бушнинг таъкидлашича, Саддам Ҳусайн режими БМТ талабларини бажармаган ва оммавий қирқин қуролларини топшириш талабини рад этган. Унинг сўзларига кўра, Ироқ раҳбарияти АҚШ ва бошқа давлатлар хавфсизлигига таҳдид солиши мумкин эди.
«Саддам Ҳусайн ва унинг ўғиллари Ироқни тарк этиши керак», деди Буш. Уларга кетиш учун қисқа муддат берилганини, акс ҳолда ҳарбий ҳаракат бошланишини билдирди. Буш АҚШнинг мақсади Ироқ халқини босиб олиш эмас, балки Саддам Ҳусайн режимини ағдариш ва Ироқни оммавий қирқин қуролларидан холи қилиш эканини айтди. У шунингдек, АҚШ ҳарбийлари Ироқда қолишни истамаслигини, операция тугагач, мамлакат назорати ироқликларнинг ўзига қайтарилишини таъкидлади.
Эртаси куни — 2003 йил 20 мартда АҚШ бошчилигидаги коалиция Ироққа қарши ҳарбий операцияни бошлади. Кейинчалик Саддам Ҳусайн режими ағдарилди. Бироқ урушига асос бўлган Ироқда оммавий қирқин қуроллари мавжудлиги ҳақидаги асосий даъво кейинчалик тасдиқланмади. Бу масала АҚШнинг Ироқ урушига кириши ҳақидаги энг катта баҳслардан бири бўлиб қолди.
Батафсил Gorizontда...